Felix Kramer - Wahrnehmungssache

verse 1 A Terroranschlag is für uns scho so normal Wenn ma uns zuschaut könnt ma glaubn, es is an jedm egal Dass wir wissn nächsten Monat san wieder a paar dran dass kaner wirklich was dagegn machn kann Dass wenn du morgen am Nachmittag im Shopping Center bist, aner a Puffn außezaht und 50 Leit daschießt Und in da Früh in da Ubahn kann genau dasselbe sein, aber du steigst einfach jedn Tag trotzdem ein. Und i glaub scho fast des Gscheideste war i sperr mi einfach ein Und verkriech mi in mein Zimmer. Sag kommt nur mir das so vor oder wird wirklich ois immer schlimmer? verse 2 Und der Gedanke wer uns jetz regiert, der lasst ma echt ka Ruah Aber er gehört schö langsam zum Lebensgfü dazua Ja um des zu verstehn da brauchts net vü Verstand, a jeder waß, da passiert grad was in unserm Land! Du brauchst di ja nur umschaun was die Leit auf Facebook Schreibn, von daschießn bis vergasn is da alles dabei! Leut die si Flüchtlingsheime anzündn und Unis stürmen traun Laufen frei umanand und rundherum steht a Zaun Und i glaub scho fast des Gscheideste war i sperr mi einfach ein Und verkriech mi in mein Zimmer. Sag kommt nur mir das so vor oder wird wirklich ois immer schlimmer? Bridge Und i frag mi wie soll des weidagehn Und i frag mi wo geht des no hin? Und i frag mi ob di andern des genauso sehn, oder ob i der einzige bin. Sog woa des ned alles scho besser? Stop kann des sein, dass des immer scho so woa? oder kommt ma des a nur so vor.? verse 3 Und vor lauter Möglichkeiten, waß kaner mehr wohin, wannst alles machn kannst, dann hat nix mehr Sinn. und trotzdem hat ma'n Eindruck, dass a jeder an dir zerrt, wannst ned knapp vom Burn-out bist, bist eh nix mehr wert. Und no wüs keiner glaubn, aber alle hams kapiert, dass des mit der Liebe überhaupt net funktioniert, die Leut san entweder unzufrieden oder depressiv, also irgendwas lauft da grad gewaltig schief. Und i glaub scho fast des Gscheideste war i sperr mi einfach ein Und verkriech mi in mein Zimmer. Sag kommt nur mir das so vor oder wird wirklich ois immer schlimmer? Outro Sag kommt nur mir das so vor oder wird wirklich ois immer schlimmer?